Mae’r iaith Gymraeg yn perthyn i bawb ohonom yng Nghymru.

Mae’n cynnig ffordd unigryw a chost-effeithiol o osod nod arbennig ar eich cynnyrch a’ch gwasanaethau, er mwyn denu sylw’r bobol leol ac ymwelwyr fel ei gilydd. Mae’n ffordd effeithiol o leoleiddio eich brand heb y costau arferol.

Awgryma gwaith ymchwil a gyhoeddwyd yn 2005 bod 80% o’r sawl a holwyd yn gwerthfawrogi defnydd o’r Gymraeg gan y sector preifat, a bod 73% yn fwy tebygol o brynu nwyddau neu wasanaethau gan fusnes sy'n gwneud defnydd o’r iaith.

Bachwch ar y cyfle euraid hwn i gynyddu’ch siâr o’r farchnad, i hyrwyddo teyrngarwch eich cwsmeriaid, ac i roi nod arbennig i’ch gwasanaethau fydd yn rhoi’r fantais yn eich dwylo chi yn hytrach na’ch cystadleuwyr.

Cynigiaf wasanaeth cyfieithu cyflym a rhad Cymraeg-Saesneg-Cymraeg, gan ddefnyddio ffurfiau cyfoes a darllenadwy o’r ddwy iaith.

Dengys ystadegau o gyfrifiad 2011 bod 562,000 o bobol yng Nghymru yn medru’r Gymraeg, cynnydd o’r 508,000 ugain mlynedd yn gynharach, a chredir bod niferoedd sylweddol eraill â pheth ddealltwriaeth ohoni. Credir hefyd bod 133,000 o bobol yn Lloegr yn medru’r iaith, a 150,000 arall ledled y byd. Rhestrir hi ymysg y 7% uchaf o ieithoedd y byd o ran y nifer o siaradwyr. Y Gymraeg ydy'r drydedd iaith leiafrifol mwyaf ei defnydd ar Twitter.

Mae 23.3% o drigolion Cymru a anwyd yma yn siarad yr iaith, ac 8% o'r rhai a anwyd oddi allan i’r wlad.

Ym mis Ionawr 2009, yn ôl ystadegau Llywodraeth Cymru, roedd 99.8% o ddisgyblion ysgolion cynradd a 91.1% mewn ysgolion uwchradd yn dysgu Cymraeg fel iaith gyntaf neu ail iaith.

Beth bynnag bo’ch anghenion cyfieithu, cysylltwch heddiw am wybodaeth bellach.